بقالى حوالى 3شهور ما شوفتش ميدان الحجاز اللى فى مصر الجديدة ، بس لما شوفته امبارح انبهرت ، وفرحت أوى ، وخصوصا لما لقيت فى مكان تانى حصل فيه نفس اللى حصل فى ميدان الحجاز .
ميدان الحجاز رجع فيه الشجر النضيف والخضرة الجميلة تانى ، وكأن ميدان الحجاز القديم شالوه وجابو بداله ميدان حجاز جديد ، ميدان تحب تبص عليه ، تحب تمشى فيه ، يعنى مثلا لو إنت والموزة بتاعتك ماشين هناك ، ممكن المكان يخليك تطلع كلام زى الفل .
لما شوفت الميدان ، استغربت ، وكأن الثورة غيرت كتير ، وكأن النظام المخلوع اللى فات كان هو السبب فى مسخ مصر ، حسيت ساعتها إن النظام الحكومى القديم زى الوحل الموجود على قطعة جوهرة جميلة جدا ، بس الوحل مغطى على الجوهرة ، وكل يوم بيعدى الوحل يخلى شكل الجوهرة أوحش من اليوم اللى قابله لدرجة إنك تقرف تبص على الجوهرة وتفتكر إن هى مجرد وحل مش أكتر ، ولما الوحل اتشال من على الجوهرة ، يعنى لما النظام الحكومى القديم اتشال من على مصر ، بدأت الجوهرة تنضف ويبان جمالها .
بجد مصر جميلة ، وأنا متفائل خير إن بكرة أحسن من امبارح ، بس شوية تعب مع صبر ومصر دى هترجع تانى من أحلى بلاد العالم . وتحيا مصر ..... من غير الوحل طبعا.
ميدان الحجاز رجع فيه الشجر النضيف والخضرة الجميلة تانى ، وكأن ميدان الحجاز القديم شالوه وجابو بداله ميدان حجاز جديد ، ميدان تحب تبص عليه ، تحب تمشى فيه ، يعنى مثلا لو إنت والموزة بتاعتك ماشين هناك ، ممكن المكان يخليك تطلع كلام زى الفل .
لما شوفت الميدان ، استغربت ، وكأن الثورة غيرت كتير ، وكأن النظام المخلوع اللى فات كان هو السبب فى مسخ مصر ، حسيت ساعتها إن النظام الحكومى القديم زى الوحل الموجود على قطعة جوهرة جميلة جدا ، بس الوحل مغطى على الجوهرة ، وكل يوم بيعدى الوحل يخلى شكل الجوهرة أوحش من اليوم اللى قابله لدرجة إنك تقرف تبص على الجوهرة وتفتكر إن هى مجرد وحل مش أكتر ، ولما الوحل اتشال من على الجوهرة ، يعنى لما النظام الحكومى القديم اتشال من على مصر ، بدأت الجوهرة تنضف ويبان جمالها .
بجد مصر جميلة ، وأنا متفائل خير إن بكرة أحسن من امبارح ، بس شوية تعب مع صبر ومصر دى هترجع تانى من أحلى بلاد العالم . وتحيا مصر ..... من غير الوحل طبعا.
ليست هناك تعليقات:
إرسال تعليق